Chiqindi temir manbalaridan olingan qizil pigmentning morfologik xususiyatlarini skanerlovchi elektron mikroskopiya yordamida o‘rganish

Ushbu tadqiqot ishida chiqindi temir manbalaridan sintez qilingan qizil pigmentning morfologik va element tarkibi skanerlovchi elektron mikroskopiya (SEM) va energiya-dispersion rentgen spektroskopiya (EDS) usullari yordamida har tomonlama o‘rganildi. SEM tahlili shuni ko‘rsatdiki, pigment zarrachalari g‘ovak, agregatlangan va polidispers morfologik tuzilishga ega. EDS natijalari pigment tarkibida temir, kislorod va oltingugurt elementlari mavjudligini tasdiqladi. Olingan natijalar shuni ko‘rsatadiki, sintez qilingan pigment barqaror noorganik tuzilishga ega bo‘lib, bo‘yoq va qoplamalar ishlab chiqarishda istiqbolli xomashyo sifatida qo‘llash mumkin