Open Journal Systems platforması haqqında
«Berdaq atındaǵı Qaraqalpaq mámleketlik universiteti Xabarshısı» ilimiy jurnalı Public Knowledge Project (PKP) tárepinen islep shıǵarılǵan hám erkin tarqatilatuǵın ashıq kodlı Open Journal Systems (OJS) baspa dastúriy majmuası tiykarında jumıs alıp baradı.
OJS ilimiy baspalardı basqarıw, qolyazbalardı qabıllaw, kóp basqıshlı jasırın (Double-Blind) retsenziyalaw, redaktsiyalaw, korrektura hám xalıqaralıq standartlarǵa say járiyalaw proceslerin tolıq avtomatlastıradı. Bul sistema ilimiy izertlewler nátiyjeleriniń dúnya júzi boyınsha ashıq hám tez tarqalıwın támiyinleydi.
Redaktsiyalıq hám baspa procesi basqıshları
1. Qolyazma jiberiw
Avtor tárepinen maqala talaplarına say qolyazma, annotaciya hám metamaǵlıwmatlar onlayn jiberiledi.
2. Retsenziyalaw
Kóp basqıshlı jasırın (Double-Blind) retsenziya arqalı qolyazmanıń ilimiy sapası hám jańalıǵı bahalanadı.
3. Redaktsiyalaw
Maqala tekstin ilimiy-texnikalıq redaktsiyalaw, korrektorlıq sayqallaw hám bibliografiyanı tekseriw.
4. Járiyalaw & Indekslew
PDF fayllardı qáliplestiriw, DOI biriktiriw hám maqalalardı ashıq kiriwde rásmiy járiyalaw.
Sistemanıń tiykarǵı abzallıqları
Ashıq kiriw (Open Access)
Ilimiy maqalalardıń jáhán boyınsha biypul hám tosqınlıqsız oqılıwın támiyinlew.
Xalıqaralıq indeksaciya
Crossref (DOI), Google Scholar, DOAJ hám OAI-PMH standartları menen tolıq integraciya.
Qáwipsizlik hám shaffoflıq
Har bir basqıshtıń audit jurnalı hám avtorlıq huqıqlarınıń qorǵalıwı.
Kóp tillilik (4 til)
Qaraqalpaqsha, ózbekshe, orssha hám inglis tillerinde tolıq interfeys.